421 8070

Superform Áskorun 2018

Superform Áskorun 2018 hefst mánudaginn 8. janúar

logo_2018

Skráningu er lokið og sem fyrr er frábær þátttaka. Við þökkum öllum þeim sem lögðu leið sína til okkar í gær. Yndislegt að sjá svona flotta mætingu.

Superform Áskorun 2018 er 12 vikna áskorun sem hefst eins og áður kom fram mánudaginn 8. janúar og lýkur laugardaginn 7. apríl en þá fer fram árshátíð Superform í Hljómahöllinni og sigurvegarar verða kynntir þar. Þetta er fimmta áskorunin sem við höldum og óhætt að segja að frábær árangur hafi náðst hjá fjölmörgum.

Hjá þjálfurum Superforms hefur aðal metnaður okkar verið að hvetja fólk til að stunda heilbrigða hreyfingu og við leggjum ofuráherslu á að allar hreyfingar sé eins góðar og mögulegt er að krefja hvern og einn um. En við stoppum ekki þar því það er ekki nóg fyrir okkur að fólkið okkar hreyfi sig rétt heldur viljum við að fólk öðlist skilning á því af hverju það er svo mikilvægt að hreyfa sig rétt, hverjar eru mögulegar afleiðingar af því að gera það ekki og hver ávinningurinn er með skilningi á góðum hreyfingum.

Þegar við fórum af stað með Superform áskorunina var aðalmarkmiðið okkar að skora á fólk að breyta um lífsstíl og var keppnin fyrsta skrefið að því. Margir höfðu horft í gegnum glerið yfir í salinn okkar og haft það á orði að langa að koma en ekki þorað því það hélt að það gæti ekki stundað Superformið því kröfurnar væru of háar. En einu kröfurnar sem við setjum er að fara á sínum hraða og getu og gera allar æfingar eins vel og það getur því hjálpum öllu okkar fólki að hámarka hreyfigetu þeirra skref fyrir skref.

Umgjörðin í kringum keppnina er til þess að hjálpa öllum í áskoruninni að breyta um lífsstíl með vitundaravakningu á heilbrigðri hreyfingu og mataræði án öfga. Við erum sterkari í hóp heldur en ein á báti og félagslegi þáttur Superformsins hefur hjálpað fjölmörgum einstaklingum að upplifa hreyfingu á jákvæðan og skemmtilegan hátt.

Aðhaldið í þessari keppni byggist á fjórum mælingum. Upphafsmælingu, tveimur stöðumælingum og lokamælingu. Ástæðan fyrir svo mörgum mælingum er svo að fólk geti fylgst með árangri sínum. Í upphafsmælingu og lokamælingu er einnig myndataka. Í upphafi áskorunar höldum við næringarfyrirlestur fyrir fólk sem er í vangaveltum með hvað eigi að borða, hvað skal forðast, hversu oft á dag er eðlilegt að borða, hversu mikið, míturnar um það sem fólk hefur heyrt um mat eða matarkúr og hvort þær séu réttar eða ekki. Keppendur fá 12 vikna fjölbreytt matarprógram sem það getur farið eftir.

Allir keppendur fá aðgang að lokaðri síðu á Facebook þar sem við þjálfarar reynum að hjálpa og styðja við alla. Allar vangaveltur eiga rétt á sér þar því reynslan hefur sýnt að vangavelta hjá einum er oft að velkjast um í kollum annarra. Í framhaldi, líklegast í kringum 4 viku, verður í boði annar fyrirlestur sem byggist á hvatningu og markmiðasetningu. Manneskja án markmiða kemst ekki langt og reynum við að innleiða þá hugsun að árangur kemur ekki að sjálfu sér heldur þarf fólk að setja sér markmið og fara þangað.

Loks leggjum við mikla áherslu á framhald eftir þessar 12 vikur, hvort sem það ákveður að vera áfram hjá okkur eða annars staðar og að þessar 12 vikur er einungis byrjun á breyttum heilbrigðum lífsstíl. Á meðan við höldum áfram þá erum við að vinna í okkar málum og það er eðlilegt að mistakast en það sem er ekki í lagi er að hætta og gefast upp, því þá er ballið búið. Þegar við dettum þá stöndum við upp, þannig er lífið, þannig er mataræðið, þannig er ræktin og umfram allt þetta er svona hjá öllum, hvort sem það er byrjandi eða mjög langt komið.

Keppnin sjálf byggist á eftirfarandi þáttum:

  • Mætingaskylda (3 sinnum í viku að meðaltali)
  • Hlutfallsleg þyngdar lækkun
  • Hlutfallsleg fituprósentulækkun
  • Ummál
  • Myndataka fyrir og eftir áskorun

Tölfræðilegur árangur hefur 45% vægi, myndir 35% vægi og mætingasókn 20%. Athuga að ef viðkomandi mætir að meðaltali þrisvar sinnum í viku þá uppfyllir sá lágmarks kröfur keppninnar. Það telst viðkomandi keppanda ekki til tekna ef meðaltalið er meira en telst til frádráttar ef sá uppfyllir ekki lágmarkskröfur. Ef lágmarkinu er ekki náð þá gildir það EKKI að hann/hún sé dottin úr kepnninni, heldur hefur það þá einungis áhrif á lokaniðurstöðu hans/hennar.
Ef þú vilt vera með þá biðjum við þig bara um eitt. Þú þarft ekki að vera frábært til að byrja en þú þarft að byrja til að verða frábær!

Verðlaunin eru sem fyrr stórglæsileg og ber þar helst að nefna 150.000 kr. í beinhörðum peningum, bæði fyrir sigurvegara í kvenna- og karlaflokki. Heildarverðmæti vinninga að þessu sinni eru vel yfir 2.000.000 kr. hvorki meira né minna. Öll verðlaun verða kynnt nánar á kynningarfundinum.

Allir keppendur í þessari áskorun fá veglega Superform brúsa við skráningu.

Nöfn allra keppenda verða sett í pott og eitt nafn dregið út alla föstudaga á meðan áskorun stendur. Glæsilegir vinningar í boði.

Dómarar í ár eru þau Sævar Ingi Borgarsson, Hafdís Ýr Óskarsdóttir og Árni Freyr Ásgeirsson.

Frekari upplýsingar hjá saevarbetraform@gmail.com

_Q1A7607

Vinsælt

Barnagæslan Krílabær

Crossfit

Superform

Þitt Form